منتديات ابناء النيل
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
اادارة المنتدي



 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 بنات غير !!

اذهب الى الأسفل 
كاتب الموضوعرسالة
ملك

avatar

انثى عدد المساهمات : 67
تاريخ التسجيل : 30/07/2010

مُساهمةموضوع: بنات غير !!   الأحد أكتوبر 02, 2011 4:38 pm

بسم الله الرحمن الرحيم


أنا
جاي اتكلم اليوم عن موضوع مهم بس ما أبي احد يفهمني غلط او يحاول انه
يستغل الموضوع بشكل خاطئ ولا أبي احد يعتبر موضوعي انه هجمه مرتده عليه او
الكلام اللي بقوله شيء خارج عن المألوف , طبعاً أنا دايم في سردي وكلامي
للمواضيع تكون باللهجه العامية بدوت تكلف وتصنع ليش ؟؟


لأني
أبي اللي مايفهم الا بالشرح ( يفهم ) وابي اللي مب صاحي يصحصح معي , طبعا
كلنا نخطي والغالبيه يعرف انه غلطان ويعرف شنو خطاه بس يا أنه يحاول يتمادى
ويتكبر ويتعالى او انه غرور او انه يبي هالخطاء مبسوط من حاله , سواء كنت
سني او شيعي او كنت عالتيار السلفي او على الليبرالية او العلمانية او
ماكنت مسلم من الأساس كنت ( يهودي ) حتى اليهودي وهو يهودي يعرف وش الخطاء
من الصح , بس زي ماقلت اول فينا المكابر فينا اللي لاعب عليه الشيطان وهيك
شغلات ...!!



عموما الموضوع بكل بساطة ان وصلنا لفترة من الزمن صار عندنا للأسف الشديد
شيء يسمونه ( النظره الدونيه ) ايه اكررها النظره الدونيه !!


وش النظرة الدونيه ؟؟


صرنا ننظر لأي شيء من الجنب الخطاء بعدين للجانب الصح والبريء
.<<<< يبون مثال توضيحي اوك المثال فلان واقف بسيارته جنب
الطريق والسيارة مضلله اسود غامق والسيارة شغاله وواقف على جنب يمر فلان وش
يقول ,<<<< اهاااااااااا وراه بلاْ اكيد جالس يشرب حشيش والا
معه وحده والا شكله ينتظر والا وراه مصيبه
يعني نظر من البداية نظره دونيه قبل مايقول مثلاً ( يمكن متعطل والا يمكن
مضيع الطريق والا يمكن ينتظر احد ) ماعلينا المهم , ان هالنظرو صارت عند
الجنسين البنات والاولاد لا وللأسف يعني صرت فعلاً ودي اوقف عند بعض البنات
واقول ( هييييي عيب )



يعني صرنا نشوف اشياء من جانب الجنس الناعم انا صرت اسميهم الجنس الخشن اي فعلاً صار فيه بنات جنسهم خشن ليه ؟؟



انا اقولكم ليه فلانه طول عمرها بالمدارس وحياتها بين الفصول وماتصدق متى تفتك من الحصة الثالثة عشان تطلع فسحة وفجاة
نطت على الجامعة وصارت بدال مايركضون وراها الاستاذه عفاف ونهى صارت هي
تركض ورا الدكتورة سلوى يعني بالثانوي والمتوسط كانت المدرسة تدق على البيت
بنتكم غايبه وهيك شغلات..!!



الحين طبت الجامعة صارت هي تتحكم بالوضع طيب هالبنت تبي على قولتهم ( تفلها )
يعني تبي تطلع حرة 12 سنه راحت عليها محبوسه فالمدارس فالجامعة وفيه بنت
ثانية من عائلة على قولتهم عائلة منفتحه او متعوده على ان بنتهم تطلع وتنزل
وتكلم شباب وهيك شغلات يعني شبه فري



المهم ان البنت اللي تبي ( تفلها ) طلعت من محاظرة وراحت قابلت البنت الفري قالت عن اذنك بروح افطر من البوفية حقت الجامعة ردت عليها قالت >>>> وع اوما تفطرين من البوفية الحمد لله والشكر قالت لها ليه وش فيها عندهم بيض بالجبن وبطاط ومن هالكلام وبيبسي وحركات قالت لا لا لا انا اطلب من بيتزاهت يجبون لين الكلية حقتنا عاد دشت هالفكرة في راس البنت اللي تبي الفلة شوي اطلبو بالجوال بعد فترة جاهم الطلب قالت العامل يدق وش نسوي قالت نطلع له
قالت اوما نطلع له شوي اطلعو راحو قابلوه طيب شوي شوي بيروحون للمطاعم
اللي جنب الكلية ويرجعون شوي بيصير التحلية يوم الربوع احلى ( فله ) طيب
انا اقولكم شيء ذاك اليوم موصل أهلي الكلية وداخل سوبرماركت لقيت 3 بنات
واحدة جالسة على ثلاجة الايس كريم توصف (عبودي ) على قولتها للسوبرماركت
وكان يوم ربوع وصلنا لدرجة ان بعض البنات ينحاشون من مكة ويطلعون جدة
الصبح يفلونها
ويرجعون مكة الساعة 12 الظهر وصلنا لدرجة ان البنت تدق على سواق باصهم
اللي مسوي انه ولد البلد وحاط جل بشعره ومسوي ( ديك ) تقوله حمودي دوامي
يخلص الساعة 7 لا تتأخر , هذا كله كوم وبالكليات غير اللي خارج الكليات


انا اتكلم مب بشكل عام فيه البعض من البنات ينحطون على الرآس والله , حتى ما اكون ظالم
انا اتكلم عن جزء او فئه معينه للأسف صارت جنس خشن , حتى يوم تحبون يا ناس
حبو ماقلنا لاتحبون مع ان الحب فالمجتمع السعودي مفهومة غلط اغلب المجتمع
السعودي ينظر للحب على انه ( جنس ) وين يبو سلامات ؟؟ المهم حتى يوم يحبون
بعض البنات مايعرفون يحبون قولولي ليش ؟؟


تكلمه اول يوم على قولتهم تطب في واحد كرتون ماعمره كلم بنت عاد اعطوه اسبو ع مسكين ( تعلق )
بعد شهر تقول يا فلان والله شكلك بدون شنب ( احلى ) هههههههه اي هين بداية
موفقه المهم حلق الشنب ( ذيبان ) بعد اسبوع تقوله بأسلوب ( لعانه )
وااااااااااي قابلت ولد خقه عاد هي تبي ذاك يرتفع ضغطه ويغار مسكين يقولها ايه وبعدين
تقول والله شعره طويل خقه حبيبي ليه ماتربي شعرك ( المهم بعد شهرين الولد
شعره طويل ومحلق الشنب ) شوي شوي الولد لابس طيحني محلق الشنب مربي شعره
يعني صار متشبه بالنساء والسبب ( فلانه ) تبي تلعب فيه على كيفها !!



خلونا من هذا كله تجيك وحده تقول يووووووووووووه كل ما اطلع شريحة تجيني
ازعاجات عليها طيب نقول صادقه بس معقولة كل ماتطلعين شريحة يجيك ازعاج !!


طيب بعد التحقيقات وش تطلع مسويه الاخت اذا دق رقم غريب اول شيء تسويه ( تتنحنح ) احم احم وترد : هلووووووووو !!
وتطول الواو مع بحة صوت ( غنج يعني ) عاد هو خق عالصوت قال مساء الصباح
صباح المساء مساء النرجسية وقام يتميلح عاد هي تبي تسوي شديده قالت نعم
اشتبي قال: ابد لايكون ازعجتك ( اسف ) محترم الولد
قالت اقول اقلب وجهك بس عاد هي خقة عالاسلوب فتبي تفتح سالفة بأسلوب يعني
اول شيء ( منو اعطاك رقمي ) ويالليل مطولك هالسؤال يسهرون عليه اسبوع ...!!




لا واخر شيء من الأشياء اللي صارت يعني شيء على قولتهم حماسي او فله جديدة (
مكياج المدارس ) طيب طول اليوم المكياج فالشنطة مايطلع الا اذا دق جرس
الصرفه تشوفين مجموعة في دورات المياه عيونهم بتطلع يضبطون الوضع ويحطون (
الغطا ) رميه !! عشان الهواء اذا جا يطيح الغطا ويعنني ابي ارفع وخل اللي
مايشتري يتفرج !!



ختاماً انا
ما اتكلم عن كل البنات انا اتكلم عن فئه معينه او مجموعة صغيره ابعدهم الله
عنا لايعرفون يحبون ولا عندهم اساساً مبادئ للأخلاق انا والله ماني ضد
الحب ولا الاشياء هاذي بس فيه شيء اسمه ذوق حتى يوم تحب خل اسلوبك شيء راقي
اعرف مين تحب وكيف تحب حتى البنت يوم تكون ثقيله ورزه يحبها كل من حولها
ويكتبون فيها القصايد ومن يلوم سعد علوش يوم قال :



ذروة ترف ذروه غنج ذروه هنا * جمالها مايستوعب وماينتقاو


مخلوق لامنه انثنى يعني انثنى * كل الزوايا تـــــستقــــيم اليا تــزاو



يابوي شي لايوصف ولا ينجنا * يسبب لك جروح لايمكن تــــــــداو




تحياتي لكم ..!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
بنات غير !!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ابناء النيل :: منتديات عامه :: منتدى مناقشات عامه-
انتقل الى: