ابحرت لك في دقيقه

عدد المساهمات : 67 تاريخ التسجيل : 30/07/2010

لا لاح لي الجادل وشلشل صفيقه
	لوّح لي المعنى ولوّح هوايه
كن العشيق امسلهم ٍ في عشيقه
	ياخذ منه فكره ويعطيه رايه
وانا كذا وابحرت لك في دقيقه
	تدرين وش قد قلت لك يامنايه
إنتي سراب إنتي خيال وحقيقه
	إنتي فريده والحسن فيك آيه
إنتي ملكتي الزين وحدك انيقه
	محد ٍ يجاري حضرتك بالولايه
إنتي على عرشك ملكتي الوثيقه
	من ربنا المعبود باعلى سمايه
إنتي ولاغيرك يشعشع بريقه
	فوق الجميع بطلتك مو دعايه
إنتي وبس اجمل عيون الخليقه
	يزهى بك الالماس ليتك ردايه
يا الفاتنه يا الملهمه يا الرقيقه
	ياترف فوق الوصف وصلك دوايه
لدّي ولو لحظه لروح ٍ غريقه
	في بحر حبك تايهه م/ البدايه
تدرين .. با علمك وش هي الطريقه؟
	انذوب حنا افبعضنا للنهايه