ألا ياليت لونعشق.. حبايبنـا بدون قلوب
عشان ( القلب )ما يدفـع ..ثمن لخيانةأحبابـه
والا يا ليت لوحب العشيق.. يثمن المحبـوب
ولا يجرح أحاسيسه .. ويحـرق غالي ثيابه
خسارة ما بقى وسط المحبه غير حمل ذنوب
خسارة قلتهـا للحـب .. يومـه قـررغيــــــابـه
خسارة من عنا قصه .. تغربل قاري المكتـوب
قست لين أجبرت قلبـي..يبادل لوقتها عتابه
بدت يومي لمحت اللي... لمحروم النظرمطلوب
وصرت آموت من دونه... واذا جاالقلب يحيا به
بذاك الصوب اوجه له.. اذا قالوا بذاك الصوب
وادور لي سبب والقاه لـو مـافادة اسبابه
والاقي في شفاه احلى .. عذوبة نكهة المشروب
وفي حضنه مرام اللي نسوه وراحوا اقرابـه
واذا حرك سمو الطرف .. أشقى بالهدب وآذوب
واروح بعالم ( ن) ثاني.. سبايب نظـرةاهدابـــه
وفي الآخر يخليني . جريح . مولع ومسلوب
من الحب العظيم اللي تعـدى حبـره كتابـــــــه
ويترك قلب من حبه .. محال انه بيـوم يتــــــوب
ولا هواللي كسب حبه !! ولا خذ منه اتعابـه!!
عشقت بقلب لكني .. طلبـت يثمـن المحبـوب
ولكـن الغـرام اقفـى وراحـت بعـده ركابـــــه
تلوموني اذا كررت .. لو نعشق بدون قلوب
عشان القلب ما يدفـع .. ثمـن لخيانـةاحبابـه
كل الود
بدون قلوب
بدون قلوب
بدون قلوب
بدون قلوب
