فجوة بين الأجيال !!

عدد المساهمات : 67 تاريخ التسجيل : 30/07/2010

الفجوة بين الأجيال هو : المصطلح
الشعبي المستخدم لوصف الاختلافات بين الناس من جيل الشباب وكبار السن ،
وخاصة بين الأطفال وجيل آبائهم. لأول مرة مصطلح شاع في البلدان الغربية
خلال الستينات ووصف والفروق الثقافية بين الشباب وآبائهم.

على
الرغم من بعض الخلافات القائمة بين الأجيال على مر التاريخ ، وذلك بسبب
زيادة سرعة التغير الثقافي في العصر الحديث بين الجيلين زيادة بالمقارنة مع
المرات السابقة ، وخاصة فيما يتعلق بأمور مثل الأذواق الموسيقية ،الأزياء
والثقافة والسياسة.هذا وقد تم تضخيم حجم لم يسبق له مثيل من قبل جيل الشباب
من خلال الستينات ، والذي أعطى لها لم يسبق لها مثيل على السلطة ، والرغبة
في التمرد على المعايير الاجتماعية.

نضرب لكم الأمثله لعل الصورة تقترب من الأذهان : ( محمد ) عمره تجاوز 51 سنه , لديه 3 من الأبناء الذكور وأنثى , يتحدث دائماً بإسهاب كنا وكنا وكنا وأنتم ماتعرفون تسوون شيء !!

اذا طب البيت ( طم طع طب يووووووووه انحش ) <<<< الأولاد خايفين يجي ابوهم وهم جالسين بالصالة عند التلفزيون !!

واذا فتح موضوع معهم بدأ الموضوع بـ وش اخباركم ؟ كيف الدراسة ؟ شوي والا قلب عليهم انتم ماتذاكرون اصلاً ماغير نايمين وعند هالتلفزيون وعالنت !!

واذا حب انه يمشيهم اخذهم وراح عالرصيف قرب البحر من الساعة 4 العصر إلى
آذان العشاء وحملهم فالسيارة ويالله البيت , نطت بنته من المقعده الخلفيه
قالت : ودنا ناخذ ايس كريم رد الاب وقال بعدين بلاش كلام فاضي اصلا كنا
نقول واعيباه طلع يتمشى وخلا حلاله !!

واذا جلس معهم في جلسة عائليه كل اللي يهمه ولد انت شعرك مب تمام , ولد شنو هاللبس ولد قم ذاكر ولد قم صل ولد وين أختك بنت وش عندك تكلمين بالجوال ؟؟

-
طبعاً هذا كله لأنه عاش بجيل واختلف عليه الجيل كانوا عايشين حياة بسيطة
مافيها تكلف ولا كان اكبر همهم الا قوت يومهم , وجاهم جيل يهتمون بالملابس
ومذاكرتهم للدراسة خفيفة وموسمية ويحبون القراءة عالنت ومشاهدة التلفاز
فيحسون ان الوضع خارج عن السيطرة واذا قالت البنت ابي شنطة اخذها وعلى اي
محل وقال يالله بسرعة قالت لا ابي ماركة قال وش ذا الدلع !!

طبعا هاذي المشكلة مب من اليوم او امس هاذي مستمرة مع تطور الأجيال وتسلسلها .

أحلى موقف حضرته وأشتد فيه النقاش إلى أن وصل لطريق
مسدود , عندما حضرت إحدى الولائم العائلية وكان فيه مجموعة كبيره من الجيل
الحاضر ومجموعة كبيره من الجيل السابق طبعا اول شيء في المجلس لو تناظر
حاشرين الجيل الجديد كلهم جنب الباب , لا و أهم شيء الشاي والقهوة قم صب
قم ودي قم خذ , المهم قال واحد من ابناء الجيل السابق انا اسئلكم بالله
تطلعون تسهرون الين 3 الفجر وش تسوون قلنا نسولف نضحك نلعب بلوت نغير جو ,
قال كل يوم عاد قلنا إجازة قال اصلا مامنكم فايده حنا كنا نزرع ونسقي ونحصد
انتم وش سويتم ؟؟ لا ويجيني الواحد عمره 19 سنه يقول ابي سيارة انا كنت امشي من الوادي الين البيت او الا المدرسة حافي !

طبعا
دخلت فالنقاش قلت انتم اول شيء حاشرين هالجيل الجديد بآخر المجلس وطايحين
فيه انتم , وانتم , وانتم بس بسألكم حنا من اللي تعب على تربيتنا ؟ الجواب
حيكون انتم الجيل السابق , طيب ثاني شيء انتم كنتم تزرعون وتسقون وتحصدون
الزرع , هل فيكم واحد اخترع الماطور اللي كنتم تسقون فيه الزرع ؟ الجواب لا
, طيب هل ينفع ان الواحد فينا بهالوقت الحاضر يروح المدرسه البعيده او
الجامعه مشي عالاقدام ؟ الجواب طبيعي بيكون لا , طيب هل ترضون ان نكون
حافين ؟ اكيد لا , طيب دخلتمونا مدارس وحنا نقول الف شكر لكم بس وش المدارس
اللي درسنا فيه ( مدرسة سلمة بن ابي الأكوع ) ابتدائية ومبنى مستأجر لا
والبرادات في المطبخ , والحوش الله وكيلك , ثم تخرجنا ورحنا متوسطة حالها
قريب من الابتدائي وثانويه نفس الوضع وتخرجنا للجامعات او للأعمال !

طيب وش تبونا نسوي شيء خارج عن هالرزنامه اللي الوضع الراهن يخلينا نعيش
عليها دام اننا لا بنمشي حافين ولا بنسقي ولا نزرع ولا بنخترع ماطور اللي
انتم عجزتم تخترعونه ؟؟

( وصلنا لطريق مسدود )

اذا هذا النقاش الذي سردته لكم انما هو فجوة بين الاجيال

فالجيل الماضي يستنكر الوضع الحالي والجيل الحالي يتمرد عالجيل الماضي وتبقى الفجوة مستمرة .

تحياتي لكم